Løgtingslóg um Føroya Náttúrugripasavn

LØGTINGSLÓG NR. 26 FRÁ 17. AUGUST 1955 UM FØROYA NÁTTÚRUGRIPASAVN, SUM SEINAST BROYTT VIÐ LØGTINGSLÓG NR. 66 FRÁ 10. MAI 2000.

--------------------------------------------------------------------------------
Løgtingslóg nr. 26 frá 17.08.1955
 Broytingar eftir 1. januar 1999 og kunngerðir
--------------------------------------------------------------------------------

§ 1. ¹⁾ Stovnað verður Føroya Náttúrugripasavn. Savnið er ogn landsins.

Inn í savnið gongur tað djórasavn, sum H.A. Djurhuus og Niels á Botni hava fingið til vega, og plantusavnið hjá Rasmus Rasmussen (Herbarium Færoense), sum hann letur til endamálið.

§ 2. Virkisevni er:   a) at savna, varðveita og framsýna náttúrugripir, sum lýsa náttúru landsins, 
b) at savna, varðveita og handfara náttúruvísindaligt tilfar.
§ 3. ^{1) 2)} Savnið verður í 2 deildum:
1) Djórasavnið,
2) Plantusavnið,
    undir leiðslu hvørt av sínum deildarleiðara, sum landsstýrið setir."

§ 4. Savnið liggur undir landsstýrinum, sum hevur eftirlit við tí, tess bygningum og ognum yvirhøvur.

§ 5. ¹⁾ Landsstýrið tilnevnir eftir umsókn ein av deildarleiðarunum til fyristøðufólk.

§ 6. ¹⁾ Landsstýrið ger ætlan yvir savnsins inntøkur og útreiðslur eftir tilmæli frá fyristøðufólkinum. Hon gongur inn sum deild í fíggjarlóg landsins, hevur sama roknskaparár, endurlit og góðkenning.

§ 7. ¹⁾ Fyristøðufólkið sendir fyri hvørt roknskaparár landsstýrinum frágreiðing um virki savnsins.

§ 8. Landsstýrið ger reglugerð um stýri og virki savnsins.

§ 9. Henda lóg fær gildi frá 1. januar 1956.

1) Broytt við løgtingslóg nr. 69 frá 5. juni 1986

--------------------------------------------------------------------------------

Endanotur
¹⁾ Broytt við løgtingslóg nr. 66 frá 10. mai 2000.

²⁾ Broytt við løgtingslóg nr. 69 frá 5. juni 1986. § 2 í hesi løgtingslóg er soljóðandi: "Henda lóg kemur í gildi beinanvegin.