Í Føroyum og Hetlandi er eitt serstakt undirslag av huldu (Hepialus humuli thulensis). Kallhuldurnar hjá okkum eru ikki einans hvítar eins og tær á meginlandinum. Her eru tær alt frá ljósum til myrkar.

Másar og ternur taka huldur, tá ið tær koma fram í skýmingini. Og kanningar hava víst, at flestar myrkar kallhuldur eru, har nógv er av hesum fugli. Somuleiðis eru fleiri ljósar kallhuldur, har lítið er av hesum fugli. Vit kunnu rokna við, at ein skatumási sær betur eina ljósa kallhuldu enn eina myrka.

Liturin á einstøku hulduni verður lutvíst avgjørdur av arvaeginleikunum, og tá ið fleiri myrkar huldur koma undan og fáa avkom, verða fyri hvørt ættarlið fleiri myrkar huldur. Hetta verður nevnt “natúrligt úrval” (en.: natural selection).