Fyri at kunna fullføra fræbúningina í kalda umhvørvinum, har hon veksur, er neyðugt at økja um hitaførið; og tað ger plantan við at skifta lit. Tann unga blóman er hvít, men eftir gitingina broytir blóman lit til myrkareytt. Tann dimmi liturin heldur betur upp á hitan og ger, at hitin inni í blómuni økist og verður hægri enn lufthitin. Á hendan hátt kann fræbúningin betur fullførast.

 

Sjóvar kommuna er kosin at vera verji hjá snjósólju, tí hon veksur á hægstu fjøllunum í kommununi.

 

Snjósólja blómar í mai-juli, og skuldi tú verið so heppin at sæð eina snjósólju ella eina og hvørja aðra blómandi plantu, ert tú vælkomin at skráseta hana her.