Grindahagtøl 2012Alttjóða samfelagið - og soleiðis eisini Norðurlond - hava bundið seg til at steðga tapið av lívfrøðiligum margfeldi innan 2010. Hetta er samstundis eisini eitt av høvuðsendamálunum í norrønu umhvørvisvirkisætlanini 2005-2008.
Náttúran í Norðri – útlitini fyri 2010 er ein samnorrøn upplýsingarverkætlan um lívfrøðiligt margfeldi. Høvuðsendamálið við verkætlanini er at kunna um gongdina í náttúruni í Norðri.
Øll kunning fer fram á internetinum. Teldutøk faktabløð, ið lýsa ymisk evni, verða at finna her á síðuni á føroyskum.
Endamál við verkætlanini
Endamálið við verkætlanini Náttúran í Norðri - útlitini fyri 2010 er at lýsa og siga frá lívfrøðiligum margfeldi í Norðurlondum. Hetta verður gjørt við dømum úr luttakandi londum, ið lýsa støðuna og gongdina í samband við lívfrøðiligt margfeldi.
Grundarlagið undir kunningini eru dátur, ið eru savnaðar og settar saman av verkætlanarbólkinum. Tilfarið er grundað á reyðlistar, hóttar náttúrutýpur, indikator- og lyklatøl og gongdina annars í nærumhvørvinum. Eisini verður dagført tilfar úr bókini Nature in Northern Europe - biodiversity in a changing environment (Nord 2001:13) brúkt.
Verkætlanin skal eisini royna at finna orsakir til broytingar í lívfrøðiliga margfeldinum og gera uppskot til tiltøk, ið hava støði í norðurlendskum royndum, fyri at steðga og fyribyrgja tapi av lívfrøðiligum margfeldi í framtíðini.
