22. juni letur Hvalastøðin við Áir upp fyri summargestum. Kom við á eina rundvísing og hoyr um lívið við stórhvalaveiðu í Føroyum. Møguligt er at sleppa inn í bygningarnar og síggja útgerð og maskinur, ið vóru brúktar til hvalaídnaðin, sum vardi frá 1894 til 1984.
Atgongumerkið til Hvalastøðina gevur tær eisini atgongd til framsýningina í Brekkutúni og Hoyvíksgarð. Atgongumerkið er galdandi til eina vitjan á hvørt savn í eina viku.
Hvalastøðin við Áir er opin hvørt vikuskifti frá 22. juni til 11. august frá kl. 10 til kl. 17.
